Durrësi dhe Thumana ishin zonat më të goditura nga tërmeti jashtëzakonisht i fuqishëm që goditi Shqipërinë këtë të martë.
Korrespodentet e Vizion Plus raportojnë se pervec Thumanës, ku vijon puna për të nxjerrë nga rrënojat të tjerë persona, ankth i madh ka përfshirë qytetin e Durrësit.
Në lagjën nr 7 një pallat është fundosur dhe 4 persona rezultojnë të zhdukur.
Një prej tyre, konkretisht një grua u nxorr nga rrënojat me lëndime të shumta por fatmirësishtg e gjallë dhe u dërgua me shpëjtësi në spital. Vijon puna sakaq për tre personat e tjerë që janë poshtë rrënojave.
Pak metra më tutje në zonën e ish kënetës është e përqëndruar e gjithë puna tek shpëtimi I pjestarëve të familjes Lala, vila e së cilës u shemb e gjitha duke I zënë poshte. Ka ende paqartësi sesa anëtarë të familjes kanë mbetur ende nën rrënoja, ndonëse flitet edhe për 3 fëmijë të tjerë të familjes dhe gjyshja e tyre e paralizuar. Për momentin gazetarja e Vizion Plus, Alba Xhani raporton se po punohet për të shpëtuar një djal 17 vjec I cili I është përgjigjur thirrjeve të emergjencës.
