Një aksident i rëndë është shënuar pak pas mesnate në Hungari.
Autobuzi që po transportonte 57 turistë është përmbysur në qytetin Mezokeresztes. Mediat lokale raportojnë se të paktën 12 turistë polakë u nxorën të vdekur dhe mbi 10 të tjerë të plagosur. Ndërsa ekipet e shpëtimit po përpiqen të nxjerrin nga mjeti edhe personat e tjerë që kanë mbetur brenda të bllokuar.
“Një autobus me targa polake, që udhëtonte natën në autostradën M3 drejt Nyíregyháza, doli nga rruga dhe u përmbys. Informacionet paraprake tregojnë se shoferi ndoshta ka rënë në gjumë”, tha policia.
“Derisa të mbërrijnë vinçat, zjarrfikësit po përpiqen të ngrenë boshtin e pasmë me një vinç në mënyrë që të mund të nxjerrin njerëzit nga poshtë“, raportoi agjencia shtetërore e lajmeve MTI , duke shtuar se autobusi ra në një hendek dhe u përmbys.
Për aksidentin e rëndë reagoi edhe kyeministri hungarez Péter Magyar i cili e cilësoi këtë një tragjedi.
