Një pjesëtar i Njësisë Ushtarake për Emergjencat (UME) ka humbur jetën të dielën, ndërsa merrte pjesë në operacionin për shuarjen e zjarrit të madh në Las Peñas de Riglos, në provincën e Huescës, Spanjë. Sipas agjencisë EFE, ushtari humbi jetën si pasojë e një aksidenti rrugor gjatë operacionit.
Presidenti i Qeverisë së Aragonës, Jorge Azcón, ka shprehur ngushëllimet e tij për drejtuesin e lartë të UME-së dhe familjen e ushtarit. Ngjarja ka shkaktuar tronditje te ekipet që prej ditësh po luftojnë me flakët në një prej zjarreve më të mëdha të regjistruara në rajon.
Zjarri në Las Peñas de Riglos ka përfshirë një sipërfaqe prej më shumë se 16 mijë hektarësh. Në terren ndodhen rreth 1,000 efektivë nga institucione të ndryshme, ndërsa në operacion janë angazhuar edhe më shumë se 40 mjete ajrore për shuarjen e flakëve.
🇪🇸 🔥 | Imagens aéreas de uma aeronave de coordenação espanhola sobre o incêndio de Las Peñas de Riglos (Huesca), a 16 de agost
Mais de 16.600 ha queimados, mais de 1.000 pessoas evacuadas.
Terreno acidentado, fumo denso, resposta nacional e francesa em curso. pic.twitter.com/KeZXr8vgVa
— 🔥 FOGOSAGORA.PT | Dados Públicos de Incêndios (@FogosAgora) August 16, 2026
Drejtori i operacionit të shuarjes, Francho Aso, tha se ka “njëfarë optimizmi”, pasi ekipet kanë arritur të frenojnë përparimin e zjarrit në sektorët 4, 6 dhe 8. Këto zona konsideroheshin veçanërisht shqetësuese, pasi flakët mund të drejtoheshin drejt malit Oroel.
Megjithatë, Aso paralajmëroi se situata duhet trajtuar me shumë kujdes, pasi mbetet ende shumë punë për t’u bërë. Ekipet në terren janë përballur me kushte të vështira dhe ndryshime të motit, ndërsa operacionet e ditës janë përshkruar si “shumë komplekse dhe të kushtueshme” për personelin.
Autoritetet shpresojnë që reshjet e parashikuara në zonë të ndihmojnë në frenimin e zjarrit. Pavarësisht përparimit të bërë në disa sektorë, operacioni vazhdon dhe ekipet mbeten në gatishmëri të lartë për shkak të rrezikut që flakët të rifillojnë përhapjen.
/vizionplus.tv
