Kombëtarja shqiptare U21 do të luajë të shtunën përballë Turqisë ku si synim ka vetëm fitoren.

 

Edhe pse me disa mungesa të rëndësishme, tranjeri kombëtares U21 Alban Bushi u shpreh optimist se ekipi tij do të arrijë që të marrë një rezultat pozitiv.

 

“Përballë kemi një kundërshtar që qëndron më lart sesa ne dhe kërkon të kualifikohet, por ne do të hyjmë në fushë për të bërë më të mirën tonë. Do luajmë për të marrë maksimumin, edhe pse nuk do të jetë një ndeshje e lehtë. Kemi disa mungesa dhe çdo trajner do të dëshironte t’i kishte të gjithë të gatshëm në skuadër. Shpresoj që të kemi edhe mbështetjen e tifozerisë në shkallët e stadiumit dhe në Elbasan gjithnjë kanë qenë të shumtë. Shpresoj që te jenë edhe nesër, meqënëse orari është i përshtatshëm dhe hyrja e lirë”.

 

Kombëtarja shqiptare U21 do të luajë të shtunën në “Elbasan Arena” përballë Turqisë. Ndeshje kjo e vlefshme për eleminatoret e europianit.

 

Pas Turqisë ekipi I Alban Bushit do të përballet me kombëtaren U21 të Andorrës.

Leave a Reply

Your email address will not be published. Required fields are marked *