Pas konsultimeve të vazhdueshme me studentë dhe pedagogë të Universitetit të Mjekësisë, Ministrja e Shëndetësisë dhe Mbrojtjes Sociale dhe Rektori i Univeristetit të Mjekësisë, dekanët e tre fakulteteve nënshkruan marrëveshjen për angazhimin konkret të institucioneve për përmirësimin e cilësisë së arsimit të lartë, punësimin e studentëve dhe përfshirjen e tyre në kërkimin shkencor.
“Invesimet në spitale do të kenë kritere të forta, që të krijojnë hapësira për mësimdhenien”, tha ministrja Manastriliu në fjalën e saj pas nënshkrimit të marrëveshjes.
Duke theksuar se marrëveshja nuk është e shkruar në gur dhe mund të jetë subjekt i ndryshimeve nëse do të ketë nevojë për përmirësime, Manastirliu u shpreh se të gjitha të dhënat që ka Ministria do të vendosen në dispozicion të Universitit të Mjekësisë për kërkimet shkencore që do të kryhen.
“Studentët do të jenë pjesë aktive e kërkimit shkencor, duke u përfshirë në projektet e institucioneve tona si ndihmës në kërkimin shkencor për hartimin e raporteve të treguesve shëndetësorë”, tha Manastirliu.
Manastirliu tha se çdo student elselet do të futet në procedurat e konkurimit për t’u punësuar me 10 pikë bonus.
Marrëveshja mes Ministrisë së Shëndetësisë dhe Universitetit të Mjekësisë do të monitorohet nga vetë studentët, që do e ndjekin në mënyrë periodike zbatimin e saj dhe do të vendosin në një plan veprimi specifik, me data dhe veprime konkrete.
Marrëveshja vjen në kuadë të Paktit për Universitetin i shpallur nga Kryeministri Edi Rama dhe përcakton rolin e të gjitha ministrive për realizim e kërkesave të studentëve.
