Protesta e shqiptarëve në shesh prej 17 ditësh ka marrë një vëmendje të veçantë në mediat ndërkombëtare dhe kancelaritë europiane.
Studiuesi Taulant Muka u shpreh optimist për këtë reagim qytetar. Teksa shtoi se njerëzit janë më të bashkuar dhe më të lumtur se kurrë më parë.
Në Quo Vadis në Vizion Plus me moderatoren Pranvera Borakaj, Muka deklaroi se ai u kthye nga Holanda vetëm për të marrë pjesë në tubimin e qytetarëve.
“Këto ditë janë të bukura. Kanë vrarë frikën, njerëzit janë më europianë. Është vrarë nga ajo klasë që ka rënë. Për të ndërtuar mitin e individit, kanë krijuar idenë se ne shqiptarët jemi huliganë, injorantë. Por sot kjo ka rënë. Edhe kancelaritë e europës janë të ccuditr dhe nuk dinë si të reagojnë.
Mua më gëzon e ardhmja, është më e mirë. Njerëzit janë më pozitiv. Atë që kërkojnë në shesh është ajo që kanë kërkuar në 36 vite. Vullnetin politik që u kemi dhënë nuk e kanë shfrytëzuar në favorin tonë. në këtë protestë janë bashkuar të gjithë, dhe jetojnë në paqe me njëri-tjetrin.
Unë kam ardhur fiks për protestën. Isha në Hollandë dhe po e shihja nga ekrani. Por nuk rrija dot. Më merr një miku ik që ishte në protestë dhe më tha duhet të vish. Preva biletën dhe erdha direkt dhe ka qenë një nga vendimet e mia më të mira. Kur erdha në Tiranë pashë njerëz ndryshe, njerëz kreativ, sepse këtu merrnin inxhinier të huaj, piktorë të huaj”, tha Muka.
Teksa foli për vëmendjen që i kanë dhënë mediat e huaja, Muka u shpreh se përfshirja e familjes së Donald Trump kishte rolin e saj. Por sipas tij, çështja e Zvërnecit ishte thjesht nisja e revoltës, pasi problematikat reale janë më të mëdha dhe gjithëpërfshirëse.
“Besoj se ka disa faktorë. Kemi përfshirjen e familjes Trump dhe ka pasur interes që të dilte. Por në shesh nuk flitet më për Zvërnecin”, tha Muka.
