“Fluturoi helika më pas shpërtheu në flakë”, dëshmitarja tregon momentin e përplasjes së helikopterit në Greqi: Vdiqën të gjithë

Një aksident tragjik ka ndodhur këtë të hënë në ishullin e Siifnos në Greqi, ku një helikopter është përplasur në tokë gjatë uljes. Për pasojë kanë humbur jetën 3 persona.

Dëshmitarë në vendngjarje kanë rrëfyer për vizionplus.tv momentin e aksidentit. Sipas dëshmitares ka patur probleme helikopteri me helikat. Dëshmitarja thekson se para se të ulej helikopteri ka fluturuar helika dhe më pas ka shpërthyer në flakë.

Lexo edhe :

Muaji i mjaltit që përfundoi në tragjedi, çifti britanik kishin zgjedhur Greqinë pas dasmës, vdiqën pas rrëzimit të helikopterit

Ndërkohë sipas nënkryetarit të bashkisë së Sifnos, Manolis Foutoulakis, tre personat në bord të helikopterit u vranë menjëherë, ndërsa praktikisht nuk mbeti asgjë nga helikopteri.

“Tragjedia ndodhi ndërsa helikopteri ishte më pak se pesëdhjetë metra larg platformës së uljes së helikopterëve”, tha Foutoulakis.

Helikopteri u rrëzua pranë shtëpive. Ai ishte ngritur nga Markopoulo dhe u rrëzua gjatë uljes në ishull. /Vizionplus.tv/