Aksident tragjik në Greqi, rrëzohet helikopteri gjatë uljes, 3 viktima

Tre persona kanë humbur jetën pas rrëzimit të një helikopteri në ishullin grek të Sifnos.

Ngjarja ndodhi pak pas orës 18:00, në zonën e Tholos, pranë banesave, në momentin kur helikopteri po kryente ulje në heliport. Mjeti fluturues ishte nisur nga Markopoulo drejt Sifnos.

Lexo edhe :

Muaji i mjaltit që përfundoi në tragjedi, çifti britanik kishin zgjedhur Greqinë pas dasmës, vdiqën pas rrëzimit të helikopterit

Mediat greke raportojnë se viktimat janë piloti dhe dy pasagjerë që ndodheshin në bord. Menjëherë pas rrëzimit, helikopteri u përfshi nga flakët, ndërsa ekipet e emergjencës mbërritën në vendngjarje.

Forcat zjarrfikëse ndërhynë për shuarjen e zjarrit, ndërsa një ekip shpëtimi u nis nga ishulli i Siros me mjet të shpejtë të Shërbimit Zjarrfikës.