Dëshironi që të humbisni shpejt në peshë atëherë duhet patjetër që të provoni dietën me lëngun e kockave.
Pirja e lëngut të kockave në kohë të ndryshme të ditës, është një mënyrë e mirë për të ndikuar në heqjen e kilogramëve të tepërt. Sot, versioni më modern i lëngut të kockave që na jepte gjyshja kur ishim sëmurë është bërë në një model filxhani në Starbucks tamam si një smoothie ose kafe.
Por pse bën aq mirë ky lëng që fitohet nga zierja e kockave të kafshëve të ndryshme? Ai është i pasur me kolagjen, minerale, aminoacide dhe proteina, për këtë është një mjet i mirë antiplakje për lëkurën, por është gjithashtu edhe një detoksifikues i mirë.
Kjo dietë premton se do të humbni disa kilogramë në vetëm 21 ditë. Për të përgatitur lëngun e kockave është me të vërtetë e thjeshtë, pasi ju duhet vetëm të zieni disa kocka me ujë (preferohet pula, gjeldeti ose viçi) për të paktën 8-10 orë.
Në të ju gjithashtu mund të shtoni perime apo aroma, të tilla si qepa, karota, selino dhe çdo lloj erze. Pasi ta keni gatuar, ju mund ta pini atë me filxhan apo ta përdorini për të përgatitur supa dhe pjata të tjera të lehta. Megjithatë, për dy ditë, jo rresht, duhet të pini 6 gota nga lëngu i kockave. Në ditët e tjera të javës ju duhet të hani ushqime pa yndyrë dhe të keni një dietë të ekuilibruar. /Living
