Policia e Shijakut ka përfunduar me sukses operacionin e koduar “Shumat”, duke arrestuar një 27-vjeçar të dyshuar për disa vjedhje në biznese të zonës.
Specialistët për Hetimin e Krimeve identifikuan dhe kapën shtetasin R. T., banues në Shijak, i cili dyshohet se ka kryer tre vjedhje në një market dhe dy biznese në fshatrat Borak dhe Xhafzotaj, ku ka marrë shuma parash, sende me vlerë dhe aksesorë të ndryshëm.
Hetimet kanë zbardhur deri tani tre raste, ndërsa në bashkëpunim me Prokurorinë po vijon puna për dokumentimin edhe të disa vjedhjeve të tjera që mendohet se janë kryer nga i njëjti autor.
Si prova materiale janë sekuestruar rrobat që ai kishte përdorur gjatë kryerjes së vjedhjeve.
Dosja i është referuar Prokurorisë së Durrësit për veprime të mëtejshme, nën akuzën “Vjedhje”.
/vizionplus.tv
