Italia po merr masa ekstreme në kuadër të përpjekjeve për ti bërë ballë semundjes së koronavirusit.
Përballë kësaj emergjence që ka lënë deri tani 79 viktima në vendin fqinj, qeveria konfirmoi mesditën e kësaj të mërkure vendimin për të mbyllur shkollat e të gjitha niveleve në mbarë vendin. Ky vendim është i vlefshëm edhe për të gjithë Universitetet.
Mbyllja do të jetë në fuqi tani për tani deri në mesin e muajit mars.
Situata në këtë vend është jo pak shqetësuese duke qënë se tashmë të gjitha rajonet kanë persona të infektuar.
Pritet që në orët në vijim nëpërmjet një dekreti të dyte mbi gjëndjen e emergjencësm, qeveria e Contes të ndërmarrë të tjera masa të forta në këtë situatë problematike.
