Është shtyrë për në orën 18:30 votimi në Kuvend.
Pas disa ndërprerjesh të një pas njëshme të seancës, për shkak të bllokimit të foltores nga opozita, ka qenë propozimi i kreut të grupit parlamentar të PS Taulant Balla i cili kërkoi shtyrjen e kohës për votim.
“Bazuar në nenin 49, kërkoj që procesi i votimit të shtyhet për në orën 18:30”, tha Balla.
Ky propozim u kundërshtua fort nga opozita, e cila nuk mori as pjesë në votim.
Me 77 vota pro, 0 kundër dhe 0 abstenim, propozimi u miratua, ndërsa seanca u ndërpre për tu rikthyer sërish kur të jetë ora për votimin e projektligjeve.
