Një zjarr masiv ka përfshirë paraditen e sotme një pjesë të kodrinave të Qafë Thanës.
Sipas informacioneve paraprake, zjarri dyshohet të ketë nisur si pasojë e djegies së disa gomave në këtë zonë, ndërsa flakët janë përhapur me shpejtësi, të favorizuara edhe nga era.
Në vendngjarje kanë mbërritur forcat e Mbrojtjes nga Zjarri dhe Shpëtimit (MZSH) të Pogradecit, të cilat po punojnë për izolimin dhe shuarjen e flakëve.
Për shkak të përmasave të zjarrit dhe kushteve të pafavorshme, janë kërkuar edhe forca shtesë për të vënë situatën nën kontroll.
Aktualisht nuk raportohen persona të lënduar, ndërsa autoritetet vijojnë operacionin për neutralizimin e vatrës së zjarrit.
