Një makinë e djegur është gjetur në afërsi të fshatit Mirakë, në aksin rrugor Elbasan-Librazhd.
Dyshohet se makina është përdorur nga autorët e vrasjes së biznesmenit 43-vjeçar, Mondi Mëhalla.
Ngjarja ndodhi orës 20:35 të mbrëmjes së djeshme në lagjen “Emin Matraxhiu”.
Mëhalla u gjet i pajetë brenda automjetit të tij tip “Range Rover”.
Mësohet se 43-vjeçari sapo kishte dalë nga zyra e karburantit dhe ishte futur në automjet. Autorët kanë qëlluar tre herë me pistoletë në drejtim të tij, ndërsa dy prej plumbave e kanë goditur në kokë./vizionplus.tv
