Një muze i “ngjashëm” me Instagramin po hapet në Vjenë, me hapësira interaktive për të rinjtë që të krijojnë artin e tyre.
I mbushur me mure me ngjyra të ndezura dhe objekte gjigande, muzeu ka gjithçka që nevojitet për selfie të përsosur.
“Numri i të rinjve që shkojnë në një muze ka rënë, kështu që ne po përpiqemi ta luftojmë atë me median sociale”, thotë Petra Scharinger, bashkë-krijuese e nofilter_museum.
“Ata preferojnë të jetojnë në internet në vend që të bashkëveprojnë me botën e vërtetë.”
Të rinjtë janë ndër përdoruesit më të mëdhenj të faqeve të mediave sociale. Në Mbretërinë e Bashkuar, nëntë nga 10 adoleshentë përdorin faqe në media sociale si Instagram, Facebook dhe Whatsapp.
Kjo gjë kja bërë që bashkëkrijuesit e muzeut të synojnë të luftojnë mediat sociale dhe t’i kthejnë të rinjtë që të bashkëveprojnë me botën reale por edhe të njihen me artin.
Muzeu është i mbushur me ekspozita interaktive të cilat, thotë zonja Scharinger, i ftojnë njerëzit të argëtohen vërtet.
Ka 24 dhoma të ndryshme në muze. Vizitorët mund të bëjnë fotografi para mureve të ndryshme me ngjyra të ndryshme për një pamje të përsosur të veshjeve.
Muzeu synon që të ketë një numër prej 300 deri në 400 vizitorësh në ditë.
