Falë ndërhyrjes së forcave të ushtrisë, janë shpëtuar 220 dele që rrezikoheshin nga përmbytja pas çarjes së argjinaturës së lumit Seman në disa segmente. Bagëtitë dhe çobanët janë evakuuar me varka pranë zonës detare dhe pranë stallave të rrezikuara.
Përveç bagëtive, përmbytjet kanë përfshirë qindra hektarë tokë bujqësore dhe 20 banesa në fshatin Hasturkas. Banorët, të cilët kanë qëndruar gjithë natën në gatishmëri, shprehen të alarmuar nga situata. Gjatë natës janë evakuuar 9 persona, të cilët janë strehuar tek të afërmit e tyre, ndërsa disa të tjerë janë të shqetësuar për fatin e të afërmve me të cilët kanë humbur kontaktin.
Banorët fajësojnë njëzëri autoritetet për mosmarrjen e masave për forcimin e argjinaturës në pjesët më problematike të saj.
/vizionplus.tv
