Një vajzë nëntë muajshe, Giulia, u sulmua për vdekje nga një pitbull në Itali.
Qeni, i cili i përket familjes së foshnjës, sulmoi Giulian teksa ajo flinte në shtratin e saj.
Pasi e dërguan në spital, mjekët thjesht e deklaruan të vdekur.
Vogëlushja është kafshuar në fytyrë dhe në kokë.
Fillimisht babai 25-vjeçar, tha se vajza e tij u sulmua nga një qen endacak. Por pas reagimit të zemëruar të partneres së tij, e cila në atë kohë ishte në punë, babai u detyrua të thoshte të vërtetën.
Fqinjët deklaruan se qeni në fjalë ishte agresiv. Verën e kaluar, pitbulli u arratis dhe sulmoi një qen të vogël që e kishin nxjerrë për shëtitje.
“Prindërit e Giulia-s janë njerëz të mirë, por ata ndoshta nuk e kuptuan rrezikun në të cilin ishte vajza e tyre,” u tha një fqinj gazetarëve.
Prokuroria vendase nisi hetimet për ngjarjen dhe urdhëroi autopsinë./vizionplus.tv
