Situata e zjarrit në fshatin Vilz, Njësia Administrative Postribë, është përmirësuar ndjeshëm falë ndërhyrjes nga ajri dhe punës së forcave në terren.
Sipas informacionit të dhënë, helikopteri ka realizuar 25 hedhje uji, duke ndihmuar në kufizimin e përhapjes së flakëve dhe duke shmangur rrezikun për banesat në zonë.
Pas një rivlerësimi të situatës gjatë orëve të para të mëngjesit, rezulton se pjesa më e madhe e sipërfaqes së prekur nga zjarri është tashmë e shuar.
Aktualisht janë evidentuar 2-3 vatra aktive, të cilat paraqiten kryesisht me tym. Forcat e angazhuara vijojnë punën për të mbërritur në këto pika, pavarësisht terrenit të vështirë, me qëllim izolimin dhe shuarjen përfundimtare të zjarrit.
Ndërhyrja vijon me monitorim të vazhdueshëm për të parandaluar riaktivizimin e flakëve dhe për të garantuar sigurinë e banorëve dhe zonave përreth.
/vizionplus.tv
