Shqipëria do të përballet këtë të hënë, 3 gusht, me një rrezik të shtuar për përhapjen e zjarreve, për shkak të temperaturave të larta dhe mungesës së reshjeve.
Sipas parashikimeve, niveli i rrezikut “i lartë” parashikohet në qarqet Durrës, Tiranë, Elbasan, Fier, Berat, Vlorë dhe Gjirokastër. Ndërkohë, në qarqet Shkodër, Kukës, Dibër, Lezhë dhe Korçë rreziku vlerësohet “i moderuar”.
Për sa i përket motit, gjatë gjithë ditës nuk priten reshje shiu, ndërsa temperaturat do të mbeten të larta në të gjithë vendin.
Temperaturat e parashikuara janë:
Bregdeti: 22°C – 32°C
Zonat e ulëta: 19°C – 36°C
Zonat malore: 14°C – 32°C
Era do të fryjë me intensitet të lehtë deri mesatar. Autoritetet u bëjnë thirrje qytetarëve të tregojnë kujdes maksimal dhe të shmangin çdo veprim që mund të shkaktojë zjarr, pasi kombinimi i temperaturave të larta, erës dhe bimësisë së tharë rrit ndjeshëm rrezikun e përhapjes së flakëve.
/vizionplus.tv
