UEFA vazhdon t’i ndalojë Bayernit të Mynihut përdorimin e uniformës kryesore në ndeshjet e UEFA Champions League. Sipas gazetës ‘Bild’, arsyeja mbetet e njëjtë si në fazën e grupeve: organizata konsideron se shkronjat e zeza janë të vështira për t’u lexuar në fanellën e kuqe të errët.
Skuadra do të duhet të përdorë uniformat alternative dhe ato të treta – madje edhe në finalen e Mynihut, nëse arrin deri aty. Ndërkohë, uniforma kryesore vazhdon të përdoret rregullisht në garat kombëtare.
Bayern përfundoi në vendin e 12-të në fazën e kampionatit të Championsit, duke u detyruar të luajë në play-off për të arritur në fazën e 1/8-ve. Ndeshja e parë kundër Celtic do të zhvillohet këtë të mërkurë, në orën 21:00.
