Policia e Korçës ka arrestuar dy persona, pasi janë kapur duke transportuar lëndë drusore pa leje.
Në pranga përfunduan shtetasit me iniciale A. D., 60 vjeç dhe A. D., 23 vjeç, të dy banues në fshatin Mborje.
Pasi u konstatuan duke transportuar lëndë drusore, të arrestuarit kanë kundërshtuar me dhunë gjatë ushtrimit të detyrës punonjësit e Inspektoriatit të Mbrojtjes së Mjedisit dhe Pyjeve.
Materialet i kaluan Prokurorisë Pranë Gjykatës së Shkallës së Parë Korçë për veprat penale “Prerja e paligjshme e pyjeve”, “Kundërshtimi i punonjësit që kryen një detyrë shtetërore ose një shërbim publik” dhe “Goditjet për shkak të detyrës”.
