Rrjeti social Twitter, i cili do të publikojë sot raportin financiar të tre mujorit të parë të vitit, tha se pjesë e planeve afatshkurtër ishte implementimi i videove live me kohëzgjatje deri në 24 orë.
Ky lajm vjen nga zyrtari i larte i Twitter Anthony Noto për Buzzfeed. Megjithatë do të duhet kohë përpara se të ofrohet transmetim 24/7.
Lëvizja nuk përbën surprizë duke qenë se kompania filloi gjatë këtij viti një fushatë transmetimesh të futbollit Amerikan NFL duke korrur një sukses të vërtetë me 3.5 milion shikues unikë, – shkruan PcWolrd.al.
Transmetimet 24 orësh do ti mundësojnë Twitter më shumë shanse reklamimi në formën e videove të shkurtra 15 deri në 30 sekondëshe.
Rrjeti social gjithashtu ka provuar se posedon një infrastrukturë të fuqishme e aftë të transmetojë përmbajtje për audienca të mëdha.
