Detaje të reja kanë dalë nga grabitja në Memaliaj, ku dy persona sulmuan kambistin Mustafa Mustafai 70 vjeç dhe bashkëshorten e tij Thëllëza Mustafai, 67 vjeçe.
Burime bëjnë me dije se një ndër autorët e dyshuar është edhe Ervin Hysaj, i cili akuzohet si sekser i prokurorit Spartak Çoçoli. Ervin Hysaj rezulton organizatori i grabitjeve në Memaliaj.
Kujtojmë se Prokuroria e Krimeve të Rënda ka dhënë masën e sigurisë për prokurorin Spartak Çoçoli, i cili akuzohet për veprën penale “Korrupsion pasiv të gjyqtarëve, prokurorëve dhe funksionarëve të tjerë të drejtësisë”. Ndaj tij gjykata ka dhënë masën detyrim paraqitje.
Ndërkohë për shtetasit Ervin Hysaj dhe Ernest Duro, është marrë masa “arrest me burg”.
