Presidenti i Shteteve të Bashkuara, Donald Trump u ka bërë thirrje aleatëve evropianë “të marrin” mbi 800 militantë që janë kapur në Siri.
Kreu i shtetit amerikan, kërkon nga Britania, Franca, Gjermania dhe aleatët e tjerë evropianë që të marrin mbi 800 luftëtarë (të IS-it) që janë kapur në Siri dhe t’i gjykojnë ata.
“Kalifati është gati të bie. Alternativa nuk është e mirë, në atë që ne do të detyrohemi t’i lirojmë. SHBA nuk dëshiron të shoh që këta luftëtarë të IS-it të shpërndahen në Evropë, ku ata pritet të shkojnë. Është koha që të tjerët të bëjnë punën që janë në gjendje ta bëjnë. Ne po tërhiqemi (nga Siria) pas fitores 100% ndaj kalifatit.”
Shtetet në Evropë dhe gjetkë kanë raportuar se qindra qytetarë të tyre kanë shkuar për të luftuar përkrah IS-it dhe grupeve të tjera ekstremiste në Lindjen e Mesme.
