Tërmeti me fuqi 4.7 ballë që goditi pasditen e 31 korrikut rajonin juglindor ka rikthyer panikun pas një serie lëkundjesh sizmike dy mujore.
Në momentet e para, banorët e alarmuar të Korçës braktisën të tmerruar shtëpitë dhe apartamentet duke qëndruar për gati një orë përjashta të mbërthyer nga ankthi I përsëritjes të tërmetit.
Në gjendje pasigurie ata ju drejtuan ambjenteve publike.
Si rrallëherë, parku ‘Rinia’ pati një frekuentim të lartë vizitorësh, më herët se orari I zakonshëm I shëtitjeve.
Qindra qytetarë të moshave të ndryshme u panë të kalonin orë të zgjatura në parkun më të madh të Korçës dhe lokalet e tij në natyrë.
Qytetarët thanë se pavarsisht nga temperaturat e larta, u detyruan të qëndrojnë në ambjente të freskëta publike edhe prej lëkundjeve të forta të tërmetit.
Edhe lulishte të tjera të qytetit ishin streha dhe qetësia e përkoëshme e dhjetra e dhjetra banorëve mbrëmjen e 31 korrikut në Korçë.
Kur u shkaktua tërmeti I fortë I 1 qershorit me përsëritje të shpeshta pas tij, pati mjaft banorë të Korçës që e kaluan natën jashtë.
Tashmë disi të ambjentuar me tërmetet e shumta por jo me të papriturat e fatkeqsisë natyrore, sërish banorët e Korçës përjetojnë ankthin e qëndrimit brenda shtëpive.
