Vizita e presidentit kinez, Xi Jinping në Rusi dhe deklaratat e përbashkëta me presidentin Putin kanë shkaktuar një sërë polemikash në arenën ndërkombëtare.
Perëndimi ka akuzar liderin kinez se po jep mesazhe pro luftës dhe se ka gjasa që Kina të furnizojë Rusinë me armë vdekjeprurëse. Sipas Perëndimit, retorika e mbajtuar gjatë kësaj vizite nga udhëheqësi kinez nuk është në shërbim të shuarjes së konfliktit në Ukrainë, por e kundërta.
Lidhur me akuzat që shigjetojnë dy homologët, Xi Jinping dhe Putin ka reaguar dhe Kremlini.
Zëdhënësi i Kremlinit, Dmitry Peskov tha se ai nuk është i befasuar nga ai që ai e quajti një reagim armiqësor, nga vendet perëndimore ndaj vizitës midis presidentit rus Vladimir Putin dhe udhëheqësit kinez Xi Jinping këtë javë.
“Sa i përket reagimit të vendeve të Perëndimit kolektiv, fakti që për pothuajse të gjitha çështjet ky reagim është i një natyre jomiqësore, thellësisht armiqësore dhe nuk është sekret për askënd. Mbulimi i kësaj vizite të rëndësishme nuk bën përjashtim,” tha Peskov.
Komentet e Peskov erdhën pasi John Kirby, zëdhënësi i Këshillit të Sigurisë Kombëtare të Shtëpisë së Bardhë, deklaroi se Pekini dhe Moska po thellojnë marrëdhëniet e tyre në një masë të madhe për shkak të interesit të tyre të ndërsjellë për të sfiduar ndikimin global të SHBA-së.
