Policia italiane goditi një tjetër rast të trafikut ndërkombëtar të drogës nga Shqipëria. Në një aksion të gjerë antimafia e Napolit prangosi 26 persona, 7 prej të cilëve shqiptarë, duke sekuestruar 38 kg marijuanë dhe 7.4 kg heroinë.

 

Lënda narkotike shpërndahej nga grupi kriminal në Napoli, ndërsa kapte vlerën e mbi gjysmë milion euro nëse shitej në treg. Në operacionin “Smoke Snake” u përfshinë mbi 100 forca të Guardia di Finanza, ndërsa hetimet nisen që në muajin maj të viti 2016.

 

Grupi sipas autoriteteve italiane vepronte në zonat e Marcianise, Capodrise, Macerata Campania dhe Portico di Caserta.

 

Faza e parë u mbyll me sekuestrimin e mbi 250 dozave heroinë të llojit “Cobret” dhe arrestimin e 4 shpërndarësve, pjesë e grupit kriminal.

 

Nga hetimet e mëvonshme doli se përtej kufijve italianë, ekzistonte një tjetër grup kriminal i qëndrueshëm i formuar nga shqiptare që furnizonin italianët me çdo lloj lende narkotike të kërkuar, por mbi të gjitha të specializuar në heroinën e tipit “Kratom”, shumë e kërkuar në Napoli.

 

Po ashtu ky rrjet garantonte një fluks të vazhdueshëm të drogës që vinte nga Turqia dhe Holanda, që hynte në Itali gjithmonë përmes Shqipërisë. Sipas policisë, nga viti 2016 e deri me tani janë sekuestruar 500 mije euro pasuri, 2 apartamente, 3 kompani, 65 llogari bankare dhe 18 mije euro cash.

 

 

Leave a Reply

Your email address will not be published. Required fields are marked *