Nis nata e tetëmbëdhjetë e Ferma VIP 3 në ekranin e televizionit kombëtar Vizion Plus.
Nën drejtimin e Vita Production dhe producentes Holta Dulaku, Ferma VIP 3 është tashmë spektakli më i ndjekur në të gjitha trevat shqipfolëse.
12 fermerë, përveç Soni Malajt që mban rolin e kryefermeres, të cilët nuk arritën të realizonin me sukses sfidën gjatë prime të së premtes, vijojnë të jenë nën ethet e nominimit.
Më pak të votuarit do të kalojnë në një sfidë vendimtare ku më pas ata që nuk do të mund të fitojnë do të kalojnë në një tjetër televotim. Vendim ky që i takon publikut.
Një nga momentet më të shumëpritura të mbrëmjes pritet të jetë pikërisht çështja e letrës së Indrit për Vanesën.
Çfarë shkruhet në të? Historia që ka mbajtur publikun pezull prej ditësh pritet të marrë më në fund një përgjigje.
Përplasjet në fermë sa vijnë e bëhen më të forta, me debate dhe diskutime që pritet të analizohen në spektaklin e sotëm LIVE në Vizion Plus, të moderuar nga Arbana Osmani, me opinionistët Armina Mevlani, Ermal Mamaqi dhe Einxhel Shkira.
Gjithashtu, gjatë spektaklit priten edhe surpriza. Mbrëmja e sotme premton spektakël dhe zhvillime të forta, ndaj ndiqeni LIVE në Vizion Plus dhe në linkun e YouTube.
/vizionplus.tv
