Ish-deputeti Arben Ndoka ka reaguar menjehere pasi organi I akuzës vendosi ti sekuestrojë një pasuri të madhe që kap vlerën 40 milionë euro.
Nëpërmjet një postimi në facebook, Ndoka shkruan se akuzat ndaj tij shpesh janë hiperbolizuar në vitet e të qënit aktiv në jetën politike. Ai shton se nuk ka asnjë meterf tokë të sekuestruar ndaj tij pasi nuk ekziston një pasuri e tillë.
“Shpesh here viteve te fundit qe pas angazhimit tim ne politike , akuzat ndaj meje hiperbolizohen. Nuk e di ku jane keto prona qe me paskan konfiskuar mua, kur une nuk kam asnje meter toke askund. Pse nuk e dokumentoni me fakte atehere meqenese me papergjegjshmerine me te madhe postoni lajme te tilla mediokre? Prokuroria mund te sekuestroje dhe detin Adriatik, por une nuk kam asnje meter toke te sekuestruar e as te pa sekuestruar. Ska shans as prokuroria, as portalet, as oficeret gjyqesor profesionist te konstatojne prona apo firma te falsifikuara qe kane te bejne me mua.Akuzat ndaj meje dhe arrestimi im dihet ku e ka bazen..!
Arben Ndoka, u ndalua në tetor të 2018, gjatë operacionit të policisë të koduar “Volvo 4” bashkë me ish deputetin tjetër socialist Arben Cuko dhe më pas u liruan për tu hetuar në arrest shtëpi.
