Një person i pajetë është gjetur në ujërat e lumit Mat në fshatin Zenisht.
Personi i mbytur është konstatuar nga banorët e zonës të cilët kanë njoftuar menjëherë autoritetet.
Në vendin e ngjarjes kanë mbërritur forcat e policisë dhe të spitalit të Burrelit të cilët kanë bërë të mundur nxjerrjen e trupit të pajetë dhe transportimin e tij drejt institutit të mjekësisë ligjore në Tiranë.
Trupi i personit mashkull rreth 55 vjeç do t’i nënshtrohet ekspertizës.
Ai dyshohet të jetë ish oficeri i Gardës së Republikës Flamur Kolmarku i cili kohët e fundit kishte humbur kujtesën dhe ishte larguar nga banesa e tij në Tiranë.
/vizionplus.tv
