Të paktën tre persona, përfshirë një fëmijë, u vranë pas një sulmi rus në Odessa , në jug të Ukrainës, njoftoi sot Serhiy Lysak, kreu i komandës ushtarake të qytetit.
“Pas sulmit armik të nisur natën, për fat të keq ne vajtojmë tre të vdekur, përfshirë një fëmijë”, shkroi Lysak në Telegram.
Ai shtoi se sulmi rus goditi ndërtesa apartamentesh, ndërsa dhjetë persona u plagosën, dy prej tyre rëndë.
🤬russian occupiers killed 3 people in Odesa, including a child.
Another ten people, including a two-year-old child and two teenagers, were injured.At night 6th April, russia massively attacked Odesa and hit a multi-story building. pic.twitter.com/NF9wFfUVQB
— Center for Countering Disinformation (@CforCD) April 6, 2026
Odessa, një qytet port i madh ukrainas në Detin e Zi, nëpër të cilin kalojnë shumica e eksporteve të Ukrainës, është një objektiv i shpeshtë për Rusinë.
Nga ana ruse, guvernatori i rajonit Krasnodar, Veniamin Kondratyev, foli për “sulme masive me dronë” që Ukraina ka nisur që nga mëngjesi i së dielës, duke plagosur të paktën tetë persona dhe duke dëmtuar ndërtesa banimi dhe shtëpi.
Sipas Ministrisë së Mbrojtjes Ruse, mbrojtja ajrore e vendit rrëzoi 50 dronë ukrainas gjatë natës së së dielës.
