Jahti në pronësi të Bruno Çelës, djalit të biznesmenit Geront Çela, i ndaluar nga Policia Kufitare e Vlorës pas dyshimeve se nga bordi i tij ishte qëlluar me armë zjarri kishte mbërritur nga Italia.
Policia ka regjistruar hyrjen në Shqipëri të mjetit dhe të gjithë personave që ndodheshin në bord.
Pas incidentit policia nuk gjeti asnjë armë zjarri në jaht. Të gjithë personat e marrë në pyetje kanë mohuar të kenë qëlluar me armë zjarri. Nuk përjashtohet mundësia që arma të jetë hedhur në det gjatë ndjekjes së mjetit.
Për të zbardhur nëse ka pasur të shtëna nga personat në bord, priten rezultatet e ekspertizës për mbetjet e barutit në duart e tyre.
Policia po heton edhe një tjetër pistë. Dyshohet se të shtënat mund të jenë kryer nga persona të tjerë, që ndodheshin në mjete të tjera lundruese pranë jahtit.
