Zyrtarët nga Organizata Botërore e Shëndetësisë vizituan të hënën Spitalin Al-Aksa në Gaza qendrore, ku po trajtohen shumë njerëz, përfshirë shumë nga sulmet ajrore të raportuara në kampin e refugjatëve Al-Maghazi.
Ata bënë me dije se kanë dëgjuar rrëfime tronditëse të pacientëve në këtë spital, duke shtuar se bëhet fjalë për fëmijë që janë dëshmitarë vrasjes së prindërve të tyre apo prindër që dëshmuan vdekjen e fëmijëve të tyre.
Lexo edhe :
Related Posts
Drejtori i Përgjithshëm i OBSH-së, Tedros Adhanom Ghebreyesus tha se stafi në Al-Aqsa kishte raportuar se kishte informacion për të paktën 100 viktima.
“Një fëmijë kishte humbur të gjithë familjen e tij në sulmin në kamp. Një infermiere në spital pësoi të njëjtën humbje, me të gjithë familjen e tij të vrarë,” tha Tedros.
Tedros theksoi se spitali ka tejkaluar kapacitetet dhe shumë të plagosur nga lufta nuk mund të mbijetojnë në këto kushte.
Sean Casey, një koordinator i ekipeve të urgjencës mjekësore të OBSH-së, përshkroi në një video të postuar nga Tedros, ku shfaqej një djalë 9-vjeçar që ndërronte jetë për shkak të dëmtimit të trurit që pësoi pasi u plagos nga copëzat në një shpërthim në ndërtesë.
“E vetmja mënyrë që punonjësit e spitalit Al-Aksa mund ta ndihmonin fëmijën ishte ta qetësonin atë për t’ia lehtësuar vuajtjet ndërsa ai vdiste, sepse objekti nuk kishte kapacitetin për të trajtuar raste komplekse neurologjike”, tha ai.
Të paktën 70 civilë u vranë në Al-Maghazi, njoftoi të hënën ministria e shëndetësisë në Gaza e drejtuar nga Hamasi. Të paktën 250 u vranë dhe 500 u plagosën në 24 orët e fundit në zonat qendrore të Gazës, Bureij, Nuseirat dhe Al Maghazi, shtoi ministria e drejtuar nga Hamasi./vizionplus.tv/
