Presidenti iranian, Hassan Rohani akuzoi sot homologun amerikan, Donald Trump se po ndihmon grupet terroriste në Siri, në një fjalim të transmetuar nga televizioni shtetëror “Irib”.
“Ky zotëri që ka marrë drejtimin e SHBA-së pretendonte se aspironte të luftonte terrorizmin, por sot, të gjitha grupet terroriste në Siri kanë festuar pas sulmit amerikan”, deklaroi Rohani pa përmenduar në mënyrë direkte emrin e presidentit Trump.
Shtetet e Bashkuara të Amerikës goditën të premten një bazë të ushtrisë siriane në formë kundërpërgjigje ndaj sulmit të dyshuar kimik kundër zonës rebele në Khan Cheikhoun.
“Përse sulmuat ushtrinë siriane, që lufton kundër terroristëve?”, shtoi Rohani.
