Varrimi shtetëror për Mlladiç, Marta Kos anulon vizitën në Serbi

Komisionerja europiane për Zgjerimin, Marta Kos, ka vendosur të anulojë vizitën e planifikuar në Serbi, pas reagimeve dhe ceremonive që pasuan vdekjen e ish-komandantit serb të Bosnjës, Ratko Mlladiç.

Në një deklaratë, Kos thekson se Mlladiç ishte dënuar për gjenocid, krime kundër njerëzimit dhe krime lufte, ndërsa kthimi i eshtrave të tij në Beograd, sipas saj, rikthen në vëmendje “faqet më të errëta të historisë”.

Ajo dënoi gjithashtu glorifikimin e Mlladiç pas vdekjes, duke e cilësuar atë si të papajtueshëm me vlerat mbi të cilat ndërtohet rruga e Serbisë drejt Bashkimit Europian.

“Kjo rrugë kërkon përballjen me të kaluarën, pajtimin e vërtetë dhe respektimin e viktimave të krimeve të luftës”, u shpreh Kos.

“Vlerat që mbështesin të ardhmen tonë të përbashkët nuk janë të negociueshme”, shtoi ajo.

Në këtë kontekst, komisionerja europiane njoftoi se ka vendosur të mos e zhvillojë në këtë moment vizitën e planifikuar në Serbi.

Ratko Mladić was convicted of genocide, crimes against humanity and war crimes. The return of his remains to Belgrade reminds Europe of the darkest pages in our recent history.

The glorification surrounding his death is incompatible with the values on which the EU path is…

— Marta Kos (@MartaKosEU) September 4, 2026