Kryeministri Edi Rama u shpreh se masat për parandalimin e përhapjes së koronavirusit do të jenë edhe më drastike.

 

Në një deklaratë për mediat, kreu i qeverisë njoftoi se ditët në vijim do të merren masa edhe për ndalimin e transportit urban në Tiranë e Durrës. Ai shtoi se transporti urban do të mbyllet në këto dy qytete për shkak të numrit më të lartë të të prekurve.

 

“Në ditë në vijim do të marrim masa për ndalimin e udhëtimit me urban në Tiranë e Durrës. Fatmirësisht ne nuk jemi vendi I parë që goditet nga ky virus, kemi modelet e vendeve të tjera. Më vjen mirë që të gjithë bizneset kanë filluar të mbyllen vullnetarisht nga drejtuesit e tyre, pasi e kanë ndjerë të nevojshme. Ne do të kemi edhe sanksione për të gjithë ata që nuk respektojnë distancën e sigurisë në vendet ku po punohet. U takon kompanive që të vendosin distancat dhe të bëjnë shkurtime, të merren maska, doreza e detergjentët e nevojshëm. Këtë gjë e këshillon praktika më e mirë ndërkombëtare. Gjithçka ka një zot pune dhe këtu bëhet fjalë për të mbrojtur familjen. Ky është një kontekst disipline në raport me rregullat.”

Leave a Reply

Your email address will not be published. Required fields are marked *