Policia e Shtetit ka finalizuar operacionin e koduar “Rastet”, duke goditur disa raste të organizimit të paligjshëm të lojërave të fatit në Milot dhe Laç.
Operacioni u zhvillua pas informacioneve të siguruara nga Drejtoria e Përgjithshme e Policisë së Shtetit. Gjatë kontrolleve u zbuluan tre ambiente të përshtatura për lojëra fati me makineta dhe tavolina pokeri, ndërsa njëri prej tyre përdorej gjithashtu për përdorim dhe shitje të lëndëve narkotike.
Lexo edhe :
Related Posts
Si rezultat, u sekuestruan 15 makineta, 3 tavolina pokeri, sasi lënde narkotike kokainë, shuma parash dhe sende të tjera që shërbenin për këtë aktivitet të kundërligjshëm.
Në kuadër të operacionit u arrestuan shtetasit Shkëlzen Preni (21 vjeç), Dorjan Medha (33 vjeç) dhe Ylli Veseli (45 vjeç), ndërsa u procedua penalisht S. Sh., 61 vjeç, pronar i njërit prej lokaleve ku u konstatuan pajisjet e lojërave të fatit dhe lënda narkotike.
Gjithashtu, u shpall në kërkim shtetasi Pjetër Lleshi, 31 vjeç, pasi në ambientin në pronësi të tij në Milot u gjetën makineta dhe tavolina për lojëra fati.
Policia bën me dije se kontrollet kundër kësaj veprimtarie të paligjshme do të vijojnë, ndërsa materialet procedurale i janë referuar Prokurorisë së Lezhës për veprime të mëtejshme.
/vizionplus.tv
