E hënë, 16 Nëntor 2026 7 PA 5 Live deri në 09:00 Në vijim ora 09:00: Mes'dritë Live Reklamo Kontakt Karriera
Vizion Plus
Vendi

Dorëhiqet drejtori i Policisë në Lezhë pas zbulimit të ambienteve për lojëra fati në Laç dhe Milot

Drejtori i Policisë së Qarkut Lezhë, Islor Islami, ka dhënë dorëheqjen nga detyra e tij, pas zhvillimeve të fundit që lidhen me zbulimin e ambienteve të kundërligjshme për lojëra fati në Laç dhe Milot.

Operacioni i koduar “Rastet”, i finalizuar nga Policia e Shtetit pas informacioneve të siguruara nga Drejtoria e Përgjithshme, çoi në zbulimin e tre ambienteve të përshtatura për organizimin e lojërave të fatit me makineta dhe tavolina pokeri, ku njëri prej tyre përdorej edhe për shitjen e lëndëve narkotike.

Në kuadër të këtij operacioni u arrestuan shtetasit Shkëlzen Preni, Dorjan Medha dhe Ylli Veseli, ndërsa u shpall në kërkim shtetasi Pjetër Lleshi.

Gjatë kontrolleve, policia sekuestroi 15 makineta, 3 tavolina pokeri, sasi lënde narkotike të dyshuar si kokainë, shuma parash dhe sende të tjera që shërbenin për këtë aktivitet të paligjshëm.

Materialet procedurale janë referuar në Prokurorinë e Lezhës për veprime të mëtejshme, ndërsa kontrollet kundër lojërave të fatit vijojnë në të gjithë vendin./vizionplus.tv

Vazhdo të lexosh

Reklamë