Të paktën 28 persona kanë mbetur të plagosur për shkak të përplasjes së dy trenave në Vjenë. Sipas mediave vendase, përplasja ndodhi rreth orës 18 sipas orës lokale, në veri të kryeqytetit austriak. Kompania e transportit, tha për mediat se rreth 150 udhëtarë ndodheshin në bordin e dy trenave në momentin e përplasjes.
Dy helikopterë dhe disa ekipe shpëtimi mbërritën në vendin e ngjarjes së rëndë, për t’u ardhur në ndihmë pasagjerëve, pjesa më e madhe e të cilëve kanë pësuar lëndime në kokë.
Ende nuk është i qartë shkaku i përplasjes së trenave, por autoritetet po hetojnë për zbardhjen e plotë të ngjarjes.
