Përjashtohen deputetet e “vezëve”

Byroja e Kuvendit përjashtoi nga seancat parlamentare dhe komisionet tre deputete demokrate te përfshire ne incidentin e ditës se enjte , ku opozita shkaktoi kaos ne salle. Gent Strazimiri dhe Bedri Hoxha nuk do te lejohen të marrin pjese për 7 ditë, ndërsa Albina Deda dy dite. Në lidhje me këto ngjarje para anëtareve të Byrosë se Kuvendit, kane dëshmuar, deputetet e PD-së Albina Deda dhe Arbjola Halimi. Demokratet thane se, do te përshkallëzohet aksioni me dënimin e kolegeve te tyre.
Opozita ndërsa nuk njeh përgjegjësinë per krijimin e situatës kaotike ne kuvend, kërkon qe i njëjti ndëshkim te jepej nga Byroja edhe ndaj kryeministrit Rama e deputetit Erjon Braçe per fyerje, edhe pse kjo nuk është faktuar deri tani nga deputetja Deda apo nga regjistrimet e kuvendit. Taulant Balla tha se ne dëshminë e saj deputetja Albina Deda u shpreh se, nuk i kishte dëgjuar fyerjet nga kryeministri. Kërkesa per përjashtimin e deputeteve demokrate, u depozitua nga grupi i partisë socialiste, i cili e konsideroi ngjarje te shëmtuar atë qe ndodhi ne seancën e se enjtes.