Japonia ka paralajmëruara këtë të mërkurë qytetarët e saj që të qëndrojnë në shtëpi, pas raportimeve në media që mbi 400 mijë persona mund të humbin jetën nga koronavirusi.
Japonia, e cila teston vetëm njerëzit që shfaqin simptomat e COVID-19, regjistron më shumë se 8 mijë të infektuar dhe rreth 200 viktima.
Mediat atje kanë cituar një dokument të papublikuar të Ministrisë së Shëndetësisë, në të cilin parashikohet vdekja e 400 mijë personave, nëse nuk merren masa për parandalimin e përhapjes së virusit. Po ashtu, parashikohet se 850 mijë njerëz të infektuar mund të kenë nevojë për ventilatorë.
Në mesin e masave përfshihet edhe kërkesa që njerëzit të izolohen dhe bizneset të mbyllen, ndërsa nuk flitet për ndëshkime me gjoba për ata që nuk i zbatojnë masat.
Autoritetet iu bëjnë thirrje njerëzve që të bëjnë çdo gjë për të ndihmuar qeverinë për të kapuar targetin.