E hënë, 16 Nëntor 2026 Trashëgimtari Halef deri në 01:45 Në vijim ora 01:45: Film TV Reklamo Kontakt Karriera
Vizion Plus
Video · Politikë

Meta kthen ligjin për “Policinë e Shtetit”: Krijon hapësira për të gjurmuar çdokënd gjatë zgjedhjeve

Presidenti Ilir Meta ktheu për rishqyrtim ligjin “Për disa ndryshime në ligjin për Policinë e Shtetit”. Në njoftimin për mediat, Meta tha se me anë të këtij ligji policia përdoret për zgjedhje për të mbikëqyrur çdokënd.

 

“Shkel parimin e ndarjes dhe balancimit të pushteteve, duke cenuar pavarësinë kushtetuese të Prokurorisë së Përgjithshme dhe Prokurorisë së Posaçme kundër Korrupsionit dhe Krimit të Organizuar; Bie ndesh me parime të rëndësishme që qëndrojnë në themelet e shtetit të së drejtës të përcaktuara ngë Kushtetutën e Republikës së Shqipërisë dhe në Konventën Europiane për të Drejtat e Njeriut, që lidhen me grancitë për ruajtjen e privatësisë; Rrezikon ta kthejë Policinë e Shtetit në një organ që gjurmon qytetarët jashtë një procesi penal dhe kontrollit të organeve të drejtësisë, dhe ta vërë nën presionin qeveritar gjatë fushatës dhe procesit zgjedhor, nën urdhrat e vullnetit politik, duke cenuar edhe pavarësinë operacionale të saj; Shkakton trajtim të pabarabartë dhe pasiguri për vendin e punës, për punonjësit e Policisë së Shtetit, duke sanksionuar lëvizjen e tyre në pozicione të tjera, edhe pa miratim paraprak, me pasojë humbjen e përfmeve që kanë prej statusit të veçantë për shkak të detyrës.”

 

Reklamë

Sipas presidentit, ky ligj shkakton pasiguri tek personeli policor dhe prandaj kërkon nga mazhoranca që të reflektojë.

 

 

Më shumë video

Reklamë