Ka përfunduar pas 9 muajsh fushata e qeverisë për të rivlerësuar pasuritë e patundshme me një tatim të reduktuar ne 2 %. Rreth 60 mijë aplikime janë kryer ne zyrat e shërbimit te administratës publike në rang kombëtar, ku Tirana ka mbajtur peshën kryesore.
Ne mbyllje te afatit ligjor, Ministria e Inovacionit Milena Harito ne nje interviste per Vizion Plus, tregon se ADISA, asgjësia e menaxhuar nga dikasteri i saj, ofroi per publikun nje shërbim te munguar prej dekadash, qe shmangu sorollatjet dhe korrupsionin.
Nga 1 qershori, procesi i rivlerësimit te pasurive te paluajtshme i është rikthyer regjimit normal. Kjo do te thotë se kushdo qe do te shesë shtëpinë, do te paguaje nje tatim ne shtet prej 15 %, si diference nga çmimi i fillestar dhe atij përfundimtar te shitjes.
Ndërsa Agjencia e Shërbimeve Publike do te vijoje punën edhe ne qytete te tjera, per te ofruar nga nje zyre e vetme shërbime te ndryshme, nga sigurimet shoqërore, shëndetësore, taksat dhe tatimet e deri tek gjendja civile.
Ministrja e Inovacionit Milena Harito shpreh ambicien se ne mandatin e dyte te qeverise Rama, Agjencia e Shërbimeve Publike, do te shtrihet ne te gjithë vendin.
