Stevo Pendarovski është nominuar nga LSDM-ja si kandidat i përbashkët për president të Maqedonisë së Veriut.
Një gjë e tillë është pohuar nga vetë kryeministri Zoran Zaev pas takimit të zhvilluar me strukturat e partisë.
Zaev tha se strukturat përzgjodhën Pendarovskin si kandidat ndërsa ka nisur bisedimet me partitë e koalicionit në lidhje me kandidaturën e propozuar.
Kryeministri dhe lider i LSDM-së, Zoran Zaev dhe lideri i BDI-së, Ali Ahmeti të mërkurën arritën një marrëveshje për të dalë me kandidatë të përbashkët presidencial.
Aleanca për Shqiptarët dhe BESA kanë njoftuar se do të mbështesin kandidaturën e pavarur të Blerim Rekës.
Në garën për president është edhe kandidatja e VMRO-DPMNE-sëopozitare, Gordana Siljanovska-Davkova.
Raundi i parë zgjedhor për zgjedhjet e gjashta presidenciale do të zhvillohet më 21 prill ndërsa I dyti do të mbahet më 5 maj.
