Edhe pse FIFA u tërhoq nga ideja për shitjen e të drejtave tregtare të Kupës së Bortës investitorëve privatë, UEFA është e vendosur t’i shkojë çështjes deti në fund.
“The Telegraph”, raporton se UEFGA do të nisë një mocion ndaj Infantinos nëse ky i fundit pas “skandalit” nuk do të jpë dorëheqjen.
Bëhet me dije se 55 federatat anëtare të UEFA-s janë të gatshme të votojnë për largimin e presidentit të FIFA-s. Për të nisur procedurën nevojitet mbështetja e të paktën 43 federatave, prag që UEFA e plotëson.
Përshkallëzimi i krizës vjen pasi FIFA u tërhoq nga plani për të shitur 30% të të drejtave tregtare të Kupës së Botës, pas kundërshtimit të gjerë nga federatat kombëtare, konfederatat kontinentale dhe aktorë të tjerë të futbollit.
Në deklaratën e saj zyrtare, UEFA bëri të ditur se ka humbur besimin te drejtimi aktual i FIFA-s, duke e akuzuar atë për mungesë transparence dhe për përpjekje për të miratuar një projekt të rëndësishëm pa konsultimin e duhur me anëtarët.
“Drejtimi aktual i FIFA-s ka humbur jo vetëm besimin e UEFA-s, por edhe të shumë anëtarëve të tjerë të familjes së futbollit”, thuhet në deklaratë.
UEFA kritikoi ashpër mënyrën se si u hartua dhe u promovua projekti, duke e cilësuar atë një marrëveshje të paqartë dhe të zhvilluar larg syrit të publikut. Organizata evropiane kërkoi që përgjegjësit për këtë proces të mbajnë përgjegjësi dhe njoftoi se do të punojë me konfederatat dhe federatat anëtare për të parandaluar përsëritjen e rasteve të ngjashme.
