Parlamenti “fali” Presidentin e Republikës, Ilir Meta këtë të enjte. Me 78 vota pro, u vendos që kreu i shtetit të mos shkarkohet nga detyra. Por 17 deputetë kërkuan “kokën” e Metës.
Ata votuan për largimin e tij nga posti. Për deputetët Eugen Bojaxhiu , Arlind Cacani, Gjetan Gjetani, Ramazan Gjuzi, Majlinda Halilaj, Korab Lita, Mylym Murrizi, Elvis Meco, Kostaq Papa, Krenar Rruci, Nikolin Staka, Vasil Sterjovski, Edmodn Stojku, Ylli Shehu, Koci Tahiri, Halit Valteri dhe Alban Zeneli, Meta meriton të ndëshkohet për shkeljet e bëra.
19 deputetë të tjerë abstenuan. Amra Borova, Spartak Braho, Tom Doshi, Ralf Gjoni, Rudina Hajdari, Edlira Hyseni, Ejlo Hysko, Enada kapllani, Lefter Koka, Ligoraq Karamelo, Aurora Mara, Nimet Musai, Erjon Piciri, Artur Roshi, Enver Roshi, Edmond Rrushi, Elisa Spiropali, Fatmri Velaj, Sadi Vorpsi nuk u votuan as pro, as kundër.
Ndërsa Fatmir Xhafaj, Zef Shtjefni, Klajdi Qama, Andi Permeti, Halil Jakimi, Arben Elezi dhe Erjon Braçe nuk morën pjesë në votim.
