Tre shqiptarë janë arrestuar në Greqi, pasi në shtëpinë e tyre është gjetur lëndë narkotike. Sipas policisë në një shtëpi të vogël në qarkun veriperëndimor të Kallamatës, ku dyshohet se qëndronin 5 shqiptarë, u gjetën 56.4 gram kokainë, 30.8 gram hashash dhe 4.410 euro.
Shqiptarët, të moshës 22-31 vjeç, janë vënë nën akuzë për trafikun e drogës, pas informacioneve të marra se ata merreshin me shpërndarjen e kokainës dhe hashashit. Përveç sasisë së mësipërme të drogës, policia ka gjetur edhe materiale të tjera për paketimin e drogës, si dhe një pistoletë.
Gjithashtu në cilësinë e provës materiale policia sekuestroi edhe pesë telefona celularë.
