Presidenti i Serbisë Aleksandër Vuçiç ka komentuar për herë të parë aktakuzat ndaj presidentit të Kosovës Hashim Thaçi dhe ish kreut të parlamentit Kadri Veseli. Ai ka thënë për medait se aktakuzat janë një lajm i mirë pas krimeve të tmerrshem që janë kryer kundër serbëve dhe se Beogradi duhet të tregojë vetëpërmbajtje.
“Ne e dimë që janë kryer krime të tmerrshme kundër serbëve dhe është mirë që ka drejtësi për ta, dhe ky është një lajm i mirë. Por, në çdo rast gjëja më e rëndësishme për ne është që të jemi të përmbajtur pasi kështu mbrojmë popullin serb në Kosovë nga çdo dhunë, incident apo sulm”, tha Vuçiç.
Lidhur me vazhdimin e dialogut Vuçiç u shpreh se është i gatshëm të vijojë bisedimet, ndërsa data pritet të publikohet në dittët në vijim.Kreu I shtetti shpalosi edhe objektivin e Serbise per antaresimin ne bashkimin europian.
“Unë besoj se po hyjmë në një fazë të re të marrëdhënieve me BE-në, dhe besoj se deri në vitin 2024 me përfundimin e mandatit të Qeverisë së re, do të kemi përmbyllur të gjithë kapitujt, dhe të bëhemi antarë të unionit në vitin 2026.”
Pavarësisht akuzave, Vuçiç ka deklaruar se do të takohej serish me Thaçin nëse udhëheqësit kosovarë do të zgjidhnin ta bënin atë pjesë të delegacionit të tyre për bisedime në të ardhmen.
