Kreu demokrat Lulzim Basha deklaroi se një prej vendimeve të para që do të marrë qeveria e tij kur të vijë në pushtet do të jetë anulimi I kontratave për të gjithë oligarkët.
Basha tha se të gjitha fondet që do të grumbullohen nga anulimi I këtyre kontratave do të shpenzohen për politika që nxisin punësimin dhe kualifikimin e të rinjëve si dhe për arsimin.
“Qeveria duhet të ndajë fonde dhe qeveria e ardhëshme do të ndajë fonde dhe ju jap fjalen se qeveria e ardhëshme arsimin e lartë e ka prioritet absolut. Fondet që do të ndahen për këtë janë vetëm një fraksion I fondeve që kjo qeveri harxhon vetëm për dy oligarkë. Vetëm për dy oligarkë! Një prej vendimeve të para do të jetë anullimi I kontratave jo vetëm I dy oligarkëve, por të gjithë oligarkëve dhe rikthimi këtyre parave në politika që nxisin punësimin, kualfikimin e rinisë dhe shanset dhe mundësitë që rinia paralelisht me kualifikimet të punësohet këtu në Shqipëri”
Por krahas anulimit të këtyre kontratave, Basha tha se PD do të anulojë edhe Ligjin e Arsimit të Lartë. Ai njoftoi se PD do të harojë një ligj të ri me standarte europiane.
“Programi që ju parashtrova nuk do të funksionojë nëse vendimet do ti marrë prapë kryeministri dhe ministri I arsimit. Demokratizimi I vendimarrjes, moderrnizimi I universiteteve, sipas modelit europian do të jetë tipari I ligjit të ri për arsimin e lartë, për të cilin kemi ngritur një grup pune me ekspertët më të mirë dhe do ti bëjmë një ftesë publike shumë shpejt pedagogëve dhe ekspertëve më të mirë shqiptarë, studentëve, që të bëhen pjesë e këtij grupi pune. Jo thjeshtë ta anullojmë këtë ligj ditën e parë në qeveri, siç ju kam premtuar dhe dua të jua premtoj sot këtu. Port ë kemi gati në mënyrë të plotë të konsultuar, transparente, ligjin e ri për arsimin e lartë të standarteve europiane.”
