Ky vit dhe ai që lamë pas kanë qenë ndoshta vitet më të vështira për Kanye West dhe Kim Kardashian.
Së fundmi, burime pranë çiftit kanë treguar për revistën “People” se martesa e tyre është në fije të perit.
“Ata të dy po bëjnë çmos për të qëndruar bashkë. Martesa e tyre është në fije të perit dhe Kanye po përpiqet me çdo kusht që ta mbajë pranë bashkëshorten e tij”, – tregon një prej miqve të çiftit. Personi në fjalë ka thënë gjithashtu se, nga një takim që pati me reperin e njohur, ky i fundit nuk ndalonte së foluri për bashkëshorten e tij.
“Ai më foli gjatë gjithë kohës për Kim. I vendoste epitete nga më të ndryshmet si: gjëja më e ëmbël në botë, njeriu më i mirë që njihte e gjëra të tilla”, – vazhdon miku i West. Më tej, ai shton: “Ata kaluan një sërë peripecish, por jo të gjitha janë sheshuar. Kanye po mundohet ta mbajë lidhjen “me thonj”, por Kim nuk është aq entuziaste”.
Ne shpresojmë që mos të jemi në prag të divorcit të një prej çifteve më të njohur në botë!
